Габдрахман авылында Бөек Җиңүнеү 70 еллыгына багышланган автобус маршруты ачылды

Габдрахман – районыбызның төзек, социаль планда зур үсеш алган иң матур авылларның берсе булып исәпләнә. Биредә инфраструктура елдан-ел камилләшә, авылга кайтып төпләнергә теләүчеләр саны да артканнан-арта. Авылда шундый күркәм шартлар булдырылу очраклы хәл түгел, билгеле. Габдрахман - республикабызда танылу алган, озак еллар дәвамында "Татнефть" ААҖ генераль директоры булып эшләгән мөхтәрәм шәхес Шәфәгать Фахразович Тәхаветдиновның туган авылы. Республика, район күләмендә тормышка ашырылган күп төрле социаль проектлар белән беррәттән Габдрахман авылы һәрвакыт игътибар үзәгендә булды,халыкның тормыш-көнүреш шартларын яхшырту юнәлешендә күләмле эшләр башкарылды.

1 май - Яз һәм Хезмәт бәйрәме көнне авыл халкы тагын бер зур бүләккә ия булды. Халык арасында уздырылган сораштыру нәтиҗәләре буенча, Габдрахман, Тайсуган авыллары аша "Татнефтегазпереработка" идарәсе каршындагы троллейбус тукталышына кадәр йөрүче яүа автобус маршруты ачылды.

Авыл җирлеге идарәсе бинасы каршысында узган тантанада ТР Президентының нефть сәнәгате буенча ярдәмчесе, "Татнефть" ААҖ директорлар Советы рәисе киңәшчесе Шәфәгать Тәхаветдиновның ярдәмчесе Рөстәм Гарипов, ӘМР ветераннар Советы рәисе Марсель Надыров, "Нефтегазтранс" идарәсе башкарма директоры Ришат Юнысов, авыл җирлеге башлыгы урынбасары Айгөл Габдрахманова, авылның мөхтәрәм кешеләре катнашты.

Чара Тәлгать абый Садыйковның азан әйтүе белән башланды. Ул авыл өчен искиткеч зур эшләр башкаручы Шәфәгать Фахразый улының исәнлеге, аныңәти-әнисе рухына багышлап дога кылды.

- Без бүген ике нигез кордык, берсе аның тукталыш, икенчесе автобус. Бу ике нигезебез дә авыл халкына озак, игелекле хезмәт итсен, исән-сау йөрергә насыйп булсын, - диде ул.

Рөстәм Гарипов Шәфәгать Фахразовичның авыл кешеләре турында һәрдаим кайгыртуын, хәзер дә менә, Бөек Җиңүнең 70 еллыгына бүләк итеп автобус алып, ике шофер тотып, халык өчен уңайлыклар булдыруын ассызыклады. "Бу бүләкне кадерләп тотарга, ватмыйча, исән - сау йөрергә булсын," - дигән теләкләрен җиткерде.

Чыгыш ясаучыларныңһәрберсе авыл халкының фикерен белдереп Шәфәгать Тәхаветдиновка чиксез олы рәхмәтләрен җиткерделәр, исәнлек, игелекле тормыш теләделәр.

Автобус маршруты ачылу тантанасы авыл үзешчәннәре катнашында узган концерт программасы белән үрелеп барып, шатлыклы бер бәйрәмгәәверелде.

Авыл җирлеге янәшәсендәге автобус тукталышыннан кузгалганҗәмәгать транспортыннан тәүге тапкыр ветераннар, тыл хезмәтчәннәре, бәйрәмгә килүчеләр урын алды.

Автобус Габдрахман-Тайсуган- УТНГП маршруты буенча һәр өч сәгать саен йөрәячәк.

Бу игелекле эшкә афәрин әйтеп, автобуста йөрүчеләргә хәерле юллар телик.

Фәрдия Хәсәнова