Әлмәттә май бәйрәмнәрен оештыруга багышланган киңәшмә узды

1 Май көнне Нефтьчеләр мәйданында Халыкара хезмәт көненә багышланган митинг узачак. Профсоюз коллективлары лозунг һәм плакатлар ярдәмендә хезмәт хакының лаеклы артуы өчен көрәшәчәк. Митингта 6 меңгә якын кеше катнашыр дип фаразлана. Шушы көнне ук геройлар аллеясында чәчәкләр кую, зур даталарга багышлап 56 нчы җиңел атлетика эстафетасы оештыру күздә тотыла. 1 майдан Әлмәттә парклар һәм скверлар сезоны да ачыла.

Шәһәр паркында Бөек Җиңү бәйрәменә багышланган чаралар 8 май көнне үк башлана. Бирегә нефть регионыннан ветераннарның килүе планлаштырыла.70 еллыкны бәйрәм итү кысаларында 22 апрельдән Россия күләмендә “Георгиевская ленточка” акциясе старт алды. Әлмәттә лентаны массакүләм тарату 1 майдан башлана. Әлмәт шәһәре башкарма комитеты җитәкчесе Николай Богданчиков сүзләренә караганда, бәйрәмнең рәсми өлеше вакытында мәйданда шашлыклар пешерү һәм сату тыела.

Ф.Хәсәнова тәрҗемәсе