ГТО нормаларын бердәм тапшыру көнендә 8800 укучы нормативлар тапшырган

Бүген Татарстан Республикасы яшьләр һәм спорт эшләре министры эш визиты белән Әлмәттә булды. Ул су спорты төрләре буенча XVI дөнья чемпионатын тәкъдирләү тантанасында катнашты.

“Айрат Хәйруллин ышанычлы һәм бик грамоталы кеше. Ул чемпионатның билет программасы буенча эш төркемен җитәкли. Әлеге чараның республика, илебез өчен нинди әһәмияткә ия булуын ачык аңлый,” – диде ул очрашу башында.

Су спорты төрләре буенча XVI дөнья чемпионаты ачылуга 99 көн калды. Дөнья беренчелеге 24 июльдән 9 августка кадәр узачак. Очрашу барышында башкарма комитет җитәкчесе Айрат Хәйруллин һәрбер теләгән кеше әлеге дөньякүләм масштаблы спорт уеннарын карый ала дип белдерде.

Әлмәт әлеге чемпионатка билетлар рәсми билет кассасында сатыла торган шәһәрләрнең берсе булып тора. Әлеге касса Әлмәт шәһәренең Чехов урамы, 40 нче йорт адресы буенча ачылды.

Шунысын да билгеләп үтәргә кирәк, әлмәтлеләрнең спорт уеннарында катнашулары билетлар сату белән генә чикләнми. Әлмәт спортчылары чемпионатта “Мастер” категориясендә чыгыш ясаячаклар. Аларның берсе Европа һәм дөнья чемпионатларының бронза призеры Шамил Закиров.

ТР яшьләр һәм спорт эшләре министры укучыларның ГТО нормаларын ничек тапшырулары белән дә кызыксынды. Билгеле булганча, 14 апрель көнне Әлмәттә ГТО нормаларын бердәм тапшыру көне узды һәм әлеге нормативларны 8000 нән артык укучы тапшырды.

Яшь җитәкчеләр үзләре нең мисалларында югары физик әзерлекле булуларын расладылар.

Әлмәт муниципаль районында “Татнефть” ААҖ зур ярдәмендә спорт белән шөгыльләнү өчен барлык мөмкинлекләр дә тудырылган. Эш визиты ахырында министр “Теннис - Сити” , футбол буенча ДЮСШ, “Татнефть” ААҖ спорткомплексы, “Снежинка” спорт базасында булды.

Ф.Хәсәнова тәрҗемәсе