ӘМР Башкарма комитеты җитәкчесе Айрат Хәйруллин тыл хезмәтчәне Маганов Өлфәт Магановичка “1941-1945 елгы Бөек Ватан сугышында Җиңүгә 70 ел” юбилей медален тапшырды

ӘМР Башкарма комитеты җитәкчесе Айрат Хәйруллин тыл хезмәтчәне Маганов Өлфәт Магановичка “1941-1945 елгы Бөек Ватан сугышында Җиңүгә 70 ел” юбилей медален тапшырды. Өлфәт Магановичның хезмәт эшчәнлеге нефть сәнәгате белән бәйле. Ул оператор, баш инженер булып эшләгән. Шәһәр ВЛКСМ ның 1-нче секретаре итеп сайланган. 58 ел гомерен Әлмәтнең геофизика конторасында эшләүгә багышлаган. Әлеге мөхтәрәм кешенең дәүләт бүләкләре бик күп. Алар арасында “Халыклар дуслыгы” Ордены, “Мактаулы хезмәт өчен” медальләре дә бар. Аның тормыш иптәше Роза Фатыйховна, шулай ук, тыл хезмәтчәне. Алар ике ул тәрбияләп үстерәләр.

Әлеге гаиләгә тәрбикләү сүзләрен һәм ихлас теләкләрен район башлыгы вазифаларын башкаручы Наҗия Хәйдәрова да җиткерде.

Наҗия Мисбаховна шушы ук көнне юбилей медальләрен Зәкиев Әдип Кәрипович, Козлова Любовь Ивановна, Хәбибуллин Сибгать Хабибулловичка тапшырды.

2015 елның 8 апреленә алынган мәгълүматларга караганда, “1941-1945 елгы Бөек Ватан сугышында Җиңүгә 70 ел” юбилей медальләре Әлмәт районында яшәүче 3632 ветеранга тапшырылган.

Ф.Хәсәнова тәрҗемәсе