Әлмәттә юбилей медальләрен тапшыру дәвам итә

2015 елның 8 апреленә алынган мәгълүматларга караганда, “1941-1945 елгы Бөек Ватан сугышында Җиңүгә 70 ел” юбилей медальләре Әлмәт районында яшәүче 3597 ветеранга тапшырылган.

Җиңүнең 70 еллыгына багышланган тантаналы чара Бишмунча авылы җирлегендә дә узды. Авылда 2 сугыш ветераны, 27 тыл хезмәтчәне , 2 сугыш ветераны толы яши. Авыл җирлеге башлыгы Ришат Фазлыев тантаналы чарада бәйрәмгә чакырылган 16 ветеранга юбилей медале тапшырды. Чарада катнаша алмаучыларга истәлекле бүләкләр өйләренә барып тапшырылды.