Экология илендә “Балачак планетасы”

2014 елның августында гына ачылган 2нче “Балачак планетасы” балалар бакчасында экологик тәрбия юнәлешендә актив эш алып бару район мәгариф оешмалары арасында “Эколидер” еллык муниципаль конкурсында катнашу өчен этәргеч булды. Бакча мөдире Эльмира Гыйниятуллина җитәкчелегендә өлкән тәрбиячеләр Альбина Әхмәтҗанова, Татьяна Дударева һәм физкультура инструкторы Марина Рудницкая ташландык материаллардан Шарлавыклы буалар һәм Үзәк мәчет макетын ясадылар. Парклар һәм скверлар елы кысаларында бу экспонат шәһәр-район советының ТР президенты катнашында үткән ХХХIХ сессиясендә күрсәтелде.

Бу макетны ясау өчен башлангыч этап бакча хезмәткәрләре арасында “Шәһәребезнең истәлекле урыннары” дигән макетлар смотр-конкурсында катнашу булды. 4 мартта тантаналы шартларда Экология һәм табигатьтән файдалану департаменты директорының урынбасары Галина Рябова 2нче балалар бакчасы хезмәткәрләренә Мактау грамоталары тапшырды.