Айрат Хәйруллин Әлмәт муниипаль районы Башкарма комитеты җитәкчесе вазыйфаларын башкаручы итеп расланды

Бүген Әлмәттә муниципаль район советының чираттан тыш сессиясе булды. Аның эшендә ТР президенты аппараты җитәкчесе Әсгать Сәфәров, “Татнефть” ААҖ генералҗ директоры Наил Маганов, ТР президентының нефтҗ сәнәгате мәсьәләләре буенча ярдәмчесе Шәфәгать Тәхәветдинов катнашты.

Әсгать Сәфәров үзенең чыгышында Әлмәтнең экономик яктан югары үсешкә ирешкән район булуын билгеләп үтте. ТР президенты исеменнән ул Әлмәт районы җитәкчелегенә рәхмәт белдерде, Марат Гыйрфановка Президентның рәхмәтен тапшырды һәм башкарма комитет җитәкчесе вазифаларын башкаручы итеп яңа билгеләнгән Айрат Хәйруллинны тәкъдим итте.

- Ышаныч күрсәткән өчен зур рәхмәт. Әлмәт бүген актив үсеп килә. Халыкның әйбәт яшәве һәм кешеләрнең лаеклы тормыш дәрәҗәсен тәэмин итү тулысы белән бездән генә тора, - диде Айрат Хәйруллин үзенең сәламләү сүзендә.

Хәйруллин Айрат Ринат улы 1981 елның 11 декабрендә туган. 2003 елда Казан дәүләт технология университетын тәмамлаган.

2003-2007 елларда – ТР Транспорт һәм юл хуҗалыгы министрлыгында әйдәп баручы белгеч, баш белгеч, бүлек башлыгы.

2007 елның мартыннан “ТР Мәгълүмат технологияләре үзәге” ДУ генераль директоры урынбасары.

2008 елның 28 мартында ТР Министрлар Кабинеты Аппаратының мәгълүмат коммуникацияләре, мәгълүматны саклау һәм матди-техник тәэмин итү бүлеге башлыгы итеп билгеләнгән.

2010 елның 23 апреленнән - ТР Министрлар Кабинеты Аппараты җитәкчесе урынбасары

2011 елның 1 гыйнварыннан - ТР Министрлар Кабинеты Аппараты җитәкчесе урынбасары – эшләр белән идарә итүче.

2012 елның 31 маеннан - ТР Президентының икътисад мәсьәләләре буенча ярдәмчесе.