Узган елда Татарстанда алкоголь продукциясен лицензиясез сату очраклары сизелерлек арткан

2014 нче елда алкоголь продукциясен лицензиясез сату фактлары, 2013 нче ел белән чагыштырганда, 19 процентка арткан. Былтыр мондый 222 факт теркәлгән (2013 елда – 186). Бу хакта бүген ТР Дәүләт алкоголь инспекциясенең киңәйтелгән коллегия утырышында билгеле булды. Утырышта ТР Премьер-министры Илдар Халиков катнашты.

“Халык контроле” дәүләт системасына килеп ирешкән мөрәҗәгатьләрне тикшерү эше дәвам иттерелгән. Кабул ителгән 128 мөрәҗәгатьнең 58ендә фактлар расланган.

Дәүләт алкоголь инспекциясе җитәкчесе Игорь Марченко әйтүенчә, “кайнар элемтә” телефонына гражданнардан 125 мөрәҗәгать килеп ирешкән.

Узган елда 4,6 мең сәүдә объектында алкоголь продукциясен сату вакытын чикләү таләбенә буйсыну тикшерелгән. Аларның 594ендә исерткечләр билгеләнгән вакыт чыккач та сатылган, ягъни һәр җиденче урында хилафлыклар күзәтелә. Аларның 80 процентында сыра законны бозып сатылган.

Былтыр алкоголь продукциясен ваклап сату өчен лицензиясе булган объектлар арткан: республика күләмендә 280 сәүдә объектына, шул исәптән авыл җирлегендә 32 сәүдә объектына лицензияләр бирелгән. Алкоголь продукциясен ваклап сатуны лицензияләү буенча күрсәтелгән хезмәтләр нәтиҗәсендә, ТР бюджетына 80,3 млн сум күләмендә дәүләт пошлинасы килеп ирешкән.

Алкоголь сату белән шөгыльләнүче интернет-сайтлар мониторингланган. Мондый сайтлар эшчәнлеген чикләү өчен, прокуратура органнарына тиешле мәгълүмат юлланган. Сайтларны ябу мәсьәләсе судта хәл ителгән. Суд карарлары буенча барлыгы 130 дан артык сайт эшчәнлеге туктатылган. Дәүләт алкоголь инспекциясе инициативасы буенча, социаль челтәрләр аша Татарстан территориясендә алкоголь тарату белән шөгыльләнгән 150 ләп төркем ябылган. 2014 нче елда алкоголь продукциясен лицензиясез сату фактлары, 2013 нче ел белән чагыштырганда, 19 процентка арткан. Былтыр мондый 222 факт теркәлгән (2013 елда – 186). Бу хакта бүген ТР Дәүләт алкоголь инспекциясенең киңәйтелгән коллегия утырышында билгеле булды. Утырышта ТР Премьер-министры Илдар Халиков катнашты.

“Халык контроле” дәүләт системасына килеп ирешкән мөрәҗәгатьләрне тикшерү эше дәвам иттерелгән. Кабул ителгән 128 мөрәҗәгатьнең 58ендә фактлар расланган.

Дәүләт алкоголь инспекциясе җитәкчесе Игорь Марченко әйтүенчә, “кайнар элемтә” телефонына гражданнардан 125 мөрәҗәгать килеп ирешкән.

Узган елда 4,6 мең сәүдә объектында алкоголь продукциясен сату вакытын чикләү таләбенә буйсыну тикшерелгән. Аларның 594ендә исерткечләр билгеләнгән вакыт чыккач та сатылган, ягъни һәр җиденче урында хилафлыклар күзәтелә. Аларның 80 процентында сыра законны бозып сатылган.

Былтыр алкоголь продукциясен ваклап сату өчен лицензиясе булган объектлар арткан: республика күләмендә 280 сәүдә объектына, шул исәптән авыл җирлегендә 32 сәүдә объектына лицензияләр бирелгән. Алкоголь продукциясен ваклап сатуны лицензияләү буенча күрсәтелгән хезмәтләр нәтиҗәсендә, ТР бюджетына 80,3 млн сум күләмендә дәүләт пошлинасы килеп ирешкән.

Алкоголь сату белән шөгыльләнүче интернет-сайтлар мониторингланган. Мондый сайтлар эшчәнлеген чикләү өчен, прокуратура органнарына тиешле мәгълүмат юлланган. Сайтларны ябу мәсьәләсе судта хәл ителгән. Суд карарлары буенча барлыгы 130 дан артык сайт эшчәнлеге туктатылган. Дәүләт алкоголь инспекциясе инициативасы буенча, социаль челтәрләр аша Татарстан территориясендә алкоголь тарату белән шөгыльләнгән 150 ләп төркем ябылган.