Татарстанда озакка сузылган җепшек көннәр көзге культураларга зыян китерергә тиеш түгел. Республика буенча туфрак уртача 40-60 см тирәнлектә туңган. Бу хакта “Татар-информ” агентлыгы хәбәрчесенә Татарстан авыл хуҗалыгы фәнни-тикшеренү институтында белдерделәр.
Шулай да, институт галимнәре Татарстан кырларыннан туфрак белән бергә үсентеләр үрнәген алган. Берникадәр вакыттан соң Татарстан авыл хуҗалыгы фәнни-тикшеренү институты галимнәре көзге игеннәр торышына төгәл бәя бирә ала.