Татарстанда Яңа ел төне салкын булачак

Яңа ел төнендә Татарстан территориясенә көньяк циклон керә. Шулай итеп республикада яшәүчеләрне аязучан болытлы һава, кар, буран һәм 22 градус чамасы салкын көтә. Бу хакта “Татар-информ” МА на ТР Гидрометеорология һәм әйләнә-тирә мохитне күзәтү идарәсендә белдерделәр.
«Циклон Кара диңгездән күтәрелә һәм Самарага, аннары Башкорстанга таба хәрәкәт итә. безгә циклонның кырые гына эләгеп китәчәк, шуңа күрә кар күп яумаячак. Шулай ук көчле җил һәм буран да көтелми. Бу циклон алдагысына караганда көчсезрәк булачак”, - дип сөйләде метеорология фаразлары бүлеге башлыгы Ирина Трущина.
Аның сүзләренә караганда, 30 ыннан 31 декабрьгә каршы төндә Татарстанда аязучан болытлы һава, күпчелек районнарда кар явачак. Моннан тыш, төнлә һәм иртән буран булуы ихтимал.
31 декабрьдә республикада төнлә һәм көндез 13-18 градус салкын тәшкил итә, ә көнбатыш районнарда – 23 градуска кадәр. Казанда төнлә 18-20 градус салкын, аязганда – 22 градуска кадәр. Көндез температура 16-18 градус салкын булачак.
31 декабрьдә республика буенча температура 13-18 градус, көнбатыш районнарда 23 градуска кадәр салкын булачак. Төнлә Казанда 18-20 градус булса, түбән урнашкан районнарда 22 градуска кадәр салкын булуы көтелә. Көндез – 16-18 градус.
31 декабрьдән 1 гыйнварга каршы төндә Татарстанда аязучан болытлы һава, көндез күпчелек районнарда кар явачак, аерым районнарда буран булуы ихтимал.
1 гыйнвар төнендә температура 19-24 градуска кадәр салкын булачак, көнчыгыш районнарда – 29 градуска кадәр. Иртән температура 11-16 градус, көнчыгыш районнарда 22 градус салкын булачак. Казанда көндез температура 20-22градус, ә иртән - 13-15.

Чыганак:http://tat.tatar-inform.ru