Әлмәттә 11 айда суррогат алкоголь белән 68 кеше агуланган

2014 елның 11 аенда Әлмәт районында алкоголь суррогатлары белән 68 кеше агуланган. Аларның 59ы – 34-60 яшьлек ирләр, 8е – 38-58 яшьлек хатын-кызлар, 1се 15 яше тулмаган бала. Бу саннарны Госалкогольинспекциянаң Әлмәт территориаль органы башлыгы Миләүшә Михеева бүген Әлмәт районы территориясендә этил спирты, алкоголь продукциясе һәм спиртлы продукция җитештерү һәм әйләнештә йөртүне дәүләт көйләве буенча ведомствоара комиссия утырышында китерде.

Алкоголь продукциясе белән хәзер 428 сәүдә ноктасында 115 оешма сәүдә итә. Сатылган исерткеч бер кешегә 14,5 литр тәшкил итә. Бу саннар район башлыгы Мәҗит Салиховны бер дә куандырмый, ул эчәргә дип җитештерелмәгән спиртлы продукциянең (камырлык настойкасы, косметик лосьонннар, дезинфекция сыеклыклары һәм этил спиртына беркадәр ароматик өстәмәләр кушып ясалган әйберләр) иртәдән үк сатылуы уңаеннан борчыла. Аларның бәясе лицензияле аракыныкыннан түбән, эчүдән башы чыкмаган кешеләр өчен алар аракыга бик кулай алмаш булып тоела. Шулай ук Казахстаннан алкогольле эчемлекләрнең ташкын булып килүе дә борчый.

Район башлыгы барлык хезмәтләрне дә активлыкларын арттырырга, исерткеч эчемлекләрне законсыз сату фактларын көчәйтелгән режимда ачыклый башларга чакырды. Утырыш ахырында ул законсыз сатуларны ачыклау өчен төнге рейдлар оештырырга, сәүдә режимын бозучыларга карата каты санкцияләр кулланырга тәкъдим итте.