Әлмәттә 25 яшьлек кеше зур күләмдә наркотик матдә сатарга омтылуда гаепләнеп, ирегеннән мәхрүм ителде

Әлмәт шәһәре прокуратурасы Әлмәттә яшәүче 25 яшьлек Равил Сәйфуллинны зур күләмдә наркотик матдә сатарга омтылуда дәүләт гаепләвен яклады.

Тикшерүдән күренгәнчә, 18 августта ул 1,75 граммнан ким булмаган күләмдә наркотик матдә - “спайс” саклаган. Шул көнне үзенең автомобиле салоныннан шул “спайс”ның 0,34 граммын 500 сумга бер кызга саткан. Ә сатып алучы ролендәге хатын-кыз оператив хезмәткәр булган.

Сатканнан соң ук полиция хезмәткәрләре Сәйфуллинны тоткарлыйлар, аның машинасында өч кәгазь төргәк белән наркотикның калган өлеше табыла.

Суд утырышында Сәйфуллин үзенең гаебен тулысынча таныды, тәүбә иттте.

Аның тәрбиясендә кече яшьтәге баласы булуын искә алып, суд Сәйфуллинны каты режимлы колониядә 7 ел да 6 айга ирегеннән мәхрүм итү турында карар чыгарды.

Суд карары әле законлы көченә кермәде.