Бүген Россиядә Юрист көне билгеләп үтелә

РФ президентының “Юрист көне булдыру турында”гы 2008 ел, 4 февраль указы нигезендә яңа профессиональ бәйрәм – Юрист көне билгеләнде. Ул ел саен 3 декабрьдә билгеләп үтелә.

Юрист профессиясе Россиядә элек-электән үк абруйлы, шул ук вакытта үтә җаваплы да. Юрист көне – зур һәм җитди бәйрәм, чөнки гражданнарның хокуклары һәм ирекләре сагында торучы төрле өлкәләрдәге юристларны берләштерә. Юрист профессиясенең төп максаты – законлы гаделлек урнаштыру.

Соңгы елларда мәгариф министрлыгында яшь юристлар тәрбияләү мәсьәләсе аеруча кискен тора: юридик вузларның санын киметү, бу профессия буенча читтән торып белем алуны бетерү тәкъдимнәре керде.

Министрлык мәгълүматларына караганда, Россия вузларында юристлыкка 700 меңнән артык студент укый.