Әлмәтлеләр ОМС полисы белән дәвалануның күпме торганын беләчәк

Шушы елның сентябреннән башлап Татарстан медицина учреждениеләре пациентларга күрсәтелгән медицина ярдәменең хакы турында белешмә бирә башладылар. Бу РФ президентының мәҗбүри медицина иминияте системасына иминиятләштерелгән затларга индивидуаль мәгълүмат бирүнең яңа формасын кертү турында куйган бурычын гамәлгә ашыру рамкаларында эшләнә.

Хәзер стационарда яки амбулатория учреждениесендә дәвалау тәмамланганнан соң һәр пациентка күрсәтелгән медицина хезмәтенең бәясе турында белешмә дә биреләчәк. Поликлиналарда белешмә регистратурада иминиятләштерелгән кеше мөрәҗәгать иткәннән соң, ә стационарда выписка белән бергә бирелә. Белешмәдә ОМС полисы белән дәвалануның дәүләт өчен күпмегә төшүе күрсәтелә.