Кыз чактагы фамилия белән ерак барып булмый

2014 елның 4 ноябреннән башлап кыз чактагы фамилиягә язылган автомобиль йөртүче таныклыклары гамәлдән чыга.

Үзгәрешнең асылы шунда: персональ мәгүлүматлар (фамилия, исем, атасының исеме) үзгәргәндә йөртүче таныклыгын үзгәртү мәҗбүри итеп куела. Әгәр дә сез яки танышларыгыз фамилиягезне үзгәрткәнсез (кияүгә чыккансыз), ә таныклыгыгызны алыштырмагансыз икән, моны кичекмәстән эшләргә кирәк. Таныклыкның алыштырылмаганлыгын ачыклаган очракта ЮХИДИ хезмәткәрләре тарафыннан машина йөртүчегә 5000-15000 сум штраф салыначак, ә автомобильләрен штрафстоянка көтә.