“Район башлыгына сорау бир” рубрикасына килгән сорауга җавап

Барлык сорау-җавапларны да без яңалыклар тасмасында биреп барабыз. Вакыйгаларны күзәтеп торыгыз. Әгәр дә берәр сәбәп белән гражданнарның ӘМР интернет-порталы аша “Район башлыгына сорау бир” рубрикасына мөрәҗәгатенә җавап яңалыкларда табылмаса, аны “Сорауларга җаваплар” бүлегендә һәрвакыт табарга була. Текстларда сорау авторының һәм җавапның стилистикасы саклана.

Сорау: Исәнмесез, Мәҗит Хаҗипович! Ямаш авылында яшәүчеләр исеменнән авылыбызны су белән тәэмин итү мәсьәләсен хәл итүегезне үтенәбез. Су белән тәэмин итүдәге даими өзеклекләр яшәргә кыенлык тудыра. Җәй көне су корылык аркасында килмәсен ди, ә хәзер нигә юк? Авыл башлыгы белән һич сөйләшеп булмый.

Тагын бер мәсьәлә – урам утлары янмау, атап әйткәндә Яшьләр урамында. Нәкъ менә көз көне, кар яуганчыга кадәр ут янмый. Кар төшкәннән соң хет кар яктысы була. Җәй көне ут кирәксә-кирәкмәсә дә янып тора.

Җавап: Ямаш авыл башкарма комитеты хәбәр итүенчә, Яшьләр урамына су линия өзелү сәбәпле килми торган, хәзер су килә. Яктырту мәсьәләсенә килгәндә, хезмәт күрсәтүче оешмага яраксызга чыккан лампаларны алыштырырга заявка бирелгән.