Бүген азык-төлек сәнәгате хезмәткәрләре көне

Азык-төлек сәнәгате хезмәткәрләре көне СССР заманында, 1966 елда кертелгән иде, шуннан бирле октябрь аеның 3нче якшәмбесендә үткәрелеп килә. Азык-төлек һәм эшкәртү сәнәгате предприятиеләре бөтен дөньяда халыкны азык продуктлары белән тәэмин итүдә төп роль уйныйлар, чөнки ризык турында какйгырту кешелек тарихында һәрвакыт беренче урында булды. Азык-төлек сәнәгате хезмәткәрләре

җитештерелә торган продукциянең сыйфатын даими яхшырталар, ассортиментын киңәйтәләр.

Азык-төлек сәнәгате хезмәткәрләренең профессионализмы һәм армый-талмый хезмәт куюы нәтиҗәсендә бу тармак хуҗалык итүнең базар формаларын һәм яңа ысулларын кертүдә, җитештерүне техник һәм технологик яктан яңартуда лидерларның берсе булып тора.