Әлмәттә 30дан артык Украина гражданы эшкә урнаштырылды

Әлмәт мәшгульлек үзәге белгечләре Украинадан килгән гражданнарны үзләренең соравы буенча да, яшәгән урыннарына барып та эшкә урнаштыру белән шөгыльләнәләр.

Сораштыру нәтиҗәләреннән күренгәнчә, күчеп килүчеләрдән 73 кеше эшләү яшендә. Шулардан 7 кеше эшкә алыну турында приказ күрсәттеләр, 22 эшли башлаган кеше эш бирүчеләрен хәбәр итмәделәр, 1 кеше бораулаучы ярдәмчесе булырга укый, 4 кеше эш бирүчеләр белән әңгәмә үтә, 2 кеше хезмәткә урнашу өчен сертификат алуны көтә, 11 хатын-кыз яшь балалары булу сәбәпле эшли алмый.