Әлмәт моржлары сезонны ачтылар

Әлмәт моржлары яңа сезонны Кама елгасында йөзү белән ачтылар. Марафонда Можга, Лениногорск, Әлмәт һәм Алабуга йөзүчеләре катнашты. Барлыгы 21 спортчы старт алды.

Дистанцияләр төрлечә – 500 метрдан башлап 2,5 километрга кадәр иде. Марафонның төп какгыйдәсе шул – салкын суда кимендә 1 сәгать булырга кирәк иде. Ул көнне су температурасы 14 градус иде, нык салкынрак суда да йөзгән моржларның моңа исе китмәде. Судан чыгуга марафончыларны балык шулпасы, кайнар чәй, мунча көтә иде.