ТОСта хисап җыелышы

3 А территориаль җәмәгать советы эшләнгән эшләр турында хисап тотты. Территориядә яшәүчеләр белән җыелышта район башкарма комитеты җитәкчесе Марат Гыйрфанов катнашты. Җыелыш 7нче мәктәпнең актлар залында үтте. Эшләнгән эңшләр турында ТОС 3Аның мөдире Лилия Янова, 3нче ЖЭУ “Альянс” ҖЧҖ директоры Александр Шаронов сөйләде. Җыелышта шулай ук шәһәр советы депутаты Ришат Мотыйгуллин һәм баш предприятие “Әлмәт РСУ” ҖЧҖ директоры Петр Буралов та чыгыш ясады.
ТОС территориясендә 25 күп квартирлы йорт, 63 хосусый йорт булып, аларда 1700дән артык кеше яши. 2014 елда “Татнефть” компаниясе биргән 1 миллион сум акча Маяковский урамындагы 32 нче йортның ишек алдын төзекләндерүгә, тротуарны төзәтүгә, микрорайон юлларында чокырларны тигезләүгә тотылган. Халык белән эшләүгә, бигрәк тә өлкән яшьтәгеләр турында кайгыртуга зур игътибар бирелә. Бөек Җиңүнең 70 еллыгына әзерлек буенча зур эш алып барыла.
Җыелыш ахырында кешеләр эшләнгән эшләр өчен шәһәр һәм район җитәкчеләренә, баш предпиятиегә рәхмәт әйттеләр, шулай ук үзләрен борчыган сораулар белән мөрәҗәгать иттеләр. Марат Гыйрфанов бу сораулар, әйтелгән теләкләрне исәпкә алып, тиешле белгечләр тарафыннан каралыр дип ышандырды.