“Район башлыгына сорау бир” рубрикасына килгән сорауга җавап

Барлык сорау-җавапларны да без яңалыклар тасмасында биреп барабыз. Вакыйгаларны күзәтеп торыгыз. Әгәр дә берәр сәбәп белән гражданнарның ӘМР интернет-порталы аша “Район башлыгына сорау бир” рубрикасына мөрәҗәгатенә җавап яңалыкларда табылмаса, аны “Сорауларга җаваплар” бүлегендә һәрвакыт табарга була. Текстларда сорау авторының һәм җавапның стилистикасы саклана.

Сорау: Исәнмесез! Мин оныгымны пропискага кертергә дип сельсоветка барган идем, безнең вакыт юк 14 сайлау, 15 ял, 16.09 килерсең диләр. Сайлау булгач, сельсовет эшчеләре үз эшләрен башкарырга тиеш түгелләрмени? Без аларны сайлаусыз да иртән һәм кич тотып өлгерсәк ярый әле. Референдум буенча тагын сорауым бар. Нишләп гаиләдән бар кешедә 200 сум түләргә тиеш. Безнең гаилә ишле гаилә 200 сум һәр кешедән безнең өчен бик күп акча була бит ул. Берәр нинди скидка каралган булырга тиештер бит. Минем кызым бер үзе улын үстерә, декрет акчасы 2800 генә. Мин үзем пенсионер 6700, бер кызым студентка, берсе 11нче сыйныф укучысы, улым Самарада хезмәт итә. Түләмәгәнгә әллә нинди сүзләр әйтеп бетерделәр, авылда яшәмәскә кушалар. штрафлар белән куркыталар. Без бар налогны да түләп барабыз бит инде. Вакытыгыны алган өчен гафу итегез, рәхмәт.Сау булыгыз!

Җавап: Сезнең кайсы авыл җирлегендә яшәвегез хатта күренми. Шуңа күрә җавап гомуми булыр.

Референдум карары белән һәр кешедән 200 сум күләмендә үзара салым балигъ булган яшьтәге гражданнарга гына кагыла. Җыелган үзара салым акчалары үзегезнең авылыгыз пробемасын хәл итүгә тотыла.

Авыл җирендә яшәүчеләрне тору урыннарында теркәү мәсьәләсендә шуны хәбәр итәбез. Алдагы сайлаулар уңаеннан авыл башкарма комитетлары хезмәткәрләренең эше бик тыгыз булу сәбәпле белешмәләр бирү һәм теркәү эшләре 16 сентябрьгә кадәр кичектерелеп тора.