“Балалар – безнең киләчәгебез!”

Белем көне алдыннан “Радуга” үсмерләр клубы инициативасы, Балалар һәм яшьләр эшләре идарәсе, 6нчы ТОСМС, баш предприятие – “Ямашнефть” идарәсе һәм бер мандатлы Тукай сайлау округыннан депутат Николай Бочкарев булышлыгы белән ярдәмгә мохтаҗ балаларга мәктәп әсбаплары салынган букчалар тапшыру булды.

“Сез тиздән мәктәп бусагасын атлап керәчәксез, - диде депутат Николай Афанасьевич. – Үзегезнең мөмкинлекләрегезне гамәлгә ашыру өчен сезгә тырышырга икрәк. Хәзергә сезнең төп бурычыгыз – уңышлы, тәртипле укучылар, илебезнең лаеклы гражданнары булу. Хәерле сәгатьтә!”

Балаларны хезмәт ветераны Әминә Лотфуллина, 6нчы ТОСМС мөдире Галина Савельева да тәбрикләде.

“Радуга” клубына йөрүчеләр һәм аларның педагоглары кунакларны җырлары белән куандырдылар, курчак спектакле куйдылар. Бәйрәм ахырында балаларның һәммәсенә татлы бүләкләр бирелде.