“Район башлыгына сорау бир” рубрикасына килгән сорауга җавап

Барлык сорау-җавапларны да без яңалыклар тасмасында биреп барабыз. Вакыйгаларны күзәтеп торыгыз. Әгәр дә берәр сәбәп белән гражданнарның ӘМР интернет-порталы аша “Район башлыгына сорау бир” рубрикасына мөрәҗәгатенә җавап яңалыкларда табылмаса, аны “Сорауларга җаваплар” бүлегендә һәрвакыт табарга була. Текстларда сорау авторының һәм җавапның стилистикасы саклана.


Сорау: Исәнмесез, Мәҗит Хаҗипович! Базовая урамындагы йортларның сан тәртибе турында сорыйсым килә. Аны һичничек тә аңларлык түгел. Бүген 6нчы йортны табарга теләгән идем, нәтиҗәдә машина белән 2 сәгать чамасы йөрдем. Уң яктагы йортларның саннары менә болай: 1а, 4, 17ж 10, 8, 57, 63. Сул яклап: 7а,32а,7а.

Җавап: ӘМР башкарма комитеты раслаган нигезләмәгә туры китереп Әлмәт шәһәрендә, шул исәптән, Базовая урамында да адрес саннарын тәртипкә салу бара. Архитектура идарәсе шәһәрнең адрес планын алып баруда вәкаләтле орган булып тора.

Телгә алынган зонада элекке җитештерү базаларының территориясен берничә мөстәкыйль өлешкә бүлү бара. Милек иясенең гаризасы белән күчемсез объектка югарыда әйтелгән нигезләмәгә туры китереп яңа адрес бирелә. Шунлыктан адрес аншлаглары өчен күчемсез милекнең хуҗалары җаваплы.