Мәҗит Салихов: “Ныклы гаиләләр – тотрыклы дәүләт нигезе”

Шәһәр паркында бүген районның авыл җирлекләрендә гомер кичерүче үрнәк гаиләләрне билгеләп уздылар. Әлмәт муниципаль районы башлыгы Мәҗит Салихов инициативасы белән калабызда гаилә институтын үстерүгә, ныгытуга һәм яшь буынны тәрбияләүгә зур игътибар бирелә.

- Гаилә - кечкенә генә дәүләт ул. Алты ел дәвамында районыбызда Гаилә, мәхәббәт һәм тугрылык көне зурлап билгеләнеп уза. Туган ягыбызның үсешенә һәм чәчәк атуына зур өлеш кертүегез өчен зур рәхмәт сезгә! – диде район башлыгы.

Районның үрнөк гаиләләре өчен бу көнне шәһәр паркы сәхнәсеннән иң матур җырлар, җылы теләкләр яңгырады.

Тантаналы чара азагында район башлыгы исеменнән “иң үрнәк” исеменә лаек булган һәрбер гаиләгә чәчәк букетлары тапшырылды.