“Авыл салават күпере” иҗат эшләре фестивале

9 июльдән 22 августка кадәр Әлмәт районында яшьләрнең иҗат эшләренең “Авыл салават күпере” дигән фестивале үтә. Аны Балалар һәм яшьләр эшләре идарәсе оештыра.

Конкурс “Язма эш”, “Фотография”, “Кул эшләре” дигән номинацияләрдә үткәрелә. Анда Әлмәт районы авылларында яшәүче 12 яшьтән 35 яшькә кадәрге яшьләр катнаштырыла.

Фестивальгә гаризалар һәм эшләр 22 августка кадәр кабул ителә. “Фотография”, “Кул эшләре” номинацияләренә караган конкурс материаллары Яшьләр үзәгенең 22нче кабинетында кабул ителә, “Язма эшләр”не uddm_almet@mail.ru электрон адресына җибәрергә.