ТР Президенты: “Төньяк-Көнбатыш магистраль нефть үткәргечләре” – “Транснефть”нең мөһим өлеше

“Төньяк-Көнбатыш магистраль нефть үткәргечләре” ААҖ бөтен Россия Федерациясенең торбаүткәргеч комплексының төп өлеше булып тора. Бу хакта бүген Татарстан Президенты Рөстәм Миңнеханов компаниянең 65 еллыгын бәйрәм итү чарасында белдерде.

Тантаналы чара ТР Әлмәт районында “Транснефть” ААҖ компанисенең “Орленок” балалар савыктыру лагерында узды. Анда «Транснефть» ААҖ президенты Николай Токарев, “Татнефть” ААҖ генераль директоры Наил Маганов, “Татнефть” Директорлар советы рәисе киңәшчесе Шәфәгать Тәхаутдинов, “Газпром Трансгаз Казань” ҖЧҖ генераль директоры Рәфкать Кантюков катнашты.

Чара алдыннан мәртәбәле кунаклар бәйрәм мәйданын карады һәм компания ветераннары белән аралашты.

“Төньяк-Көнбатыш магистраль нефть үткәргечләре” генераль директоры Рифгать Хәкимов предприятиенең Татарстан территориясендә елына 800 мең тонна егәрлекле бер торбаүткәргечтән эшли башлавын билгеләп үтте. “Хәзер без мондый күләмдә нефтьне ике көндә диярлек чыгарабыз”, - диде “Төньяк-Көнбатыш магистраль нефть үткәргечләре” генераль директоры Рифгать Хәкимов.

Ул Татарстан Президенты Рөстәм Миңнехановка һәм “Транснефть” ААҖ президенты Николай Токаревка бөтен башлангычларда ярдәм итүләре өчен рәхмәт белдерде һәм компания хезмәткәрләрен бәйрәм белән котлады.

“Төньяк-Көнбатыш магистраль нефть үткәргечләре” коллективын сәламләп Татарстан Президенты, юбилей – республика өчен генә түгел, ә Россиянең компания эшли торган 10 төбәге өчен дә истәлекле вакыйга диде. “Бүген ул көчле заманча компания, “Транснефть”нең мөһим өлеше, - дип белдерде Рөстәм Миңнеханов. - Безнең нефть сәнәгатенең үсеше нефтьне транспортлаудан тора”.

Республика башлыгы сүзләренә караганда, “Транснефть” компаниясе илнең төп һәм мөһим компанияләренең берсе. “Төньяк-Көнбатыш магистраль нефть үткәргечләре” ААҖ дә заманча технологияләр, яңа материаллар һәм алымнар, алдынгы дөньяви эшләнмәләр”, - диде ул.
Рөстәм Миңнеханов компания коллективын, җитәкчелекне, ветераннарны, шулай ук “Транснефть” ААҖ президенты Николай Токаревка рәхмәт белдерде һәм эшендә уңышлар теләде. Ул шулай ук Татарстан Республикасы бүләкләрен тапшырды.

Үз чиратында “Транснефть” ААҖ президенты Николай Токарев “Төньяк-Көнбатыш магистраль нефть үткәргечләре”н РФ торбаүткәргеч комплексының мөһим предприятиесе, дип белдерде. Ел саен “Транснефть” якынча 500 млн тонна нефть транспортлый һәм бу күләмнең яртысы “Төньяк-Көнбатыш магистраль нефть үткәргечләре” аша уза.

Токарев Татарстан җитәкчелегенә һәм шәхсән Рөстәм Миңнехановка “Төньяк-Көнбатыш магистраль нефть үткәргечләре”нә ярдәм күрсәтүләре өчен рәхмәт белдерде. “Бүген – безнең уртак бәйрәмебез, уртак тантанабыз, - дип белдерде ул. – Киләчәктә дә “Төньяк-Көнбатыш магистраль нефть үткәргечләре” хезмәтчәннәре безнең уртак эшебезгә зур өлеш кертер дип ышанабыз”.

“Транснефть” ААҖ президенты “Төньяк-Көнбатыш магистраль нефть үткәргечләре” ААҖ нең иң яхшы хезмәткәрләрен бүләкләде, аннары бәйрәм кунаклары өчен театральләштерелгән тамаша булды.