“Алнас” икенче яртыеллыкта “Славнефть”кә 400ләп җиһаз эшләп җибәрәчәк

“Римера” төркеменең Әлмәттәге “Алнас” заводы “Славнефть” компаниясе өчен 379 нефть насосы эшләп бирүгә тендерда җиңеп чыкты.

Тендер шартларында каралганча, “Алнас” август-ноябрь айлары дәвамында 5, 5а һәм 6 габаритлы 379 насос, үз конструкциясендәге 6 батырма электр двигателе һәм 10 батырма чыбыклы фильтр эшләп җибәрәчәк. Контрактның бәясе күрсәтелми.

“2013 елда “Славнефть” адресына 229 миллион сумлык нефть чыгару җиһазлары әзерләп озаткан идек, - ди “Алнас”ның башкаручы директоры Сергей Саченко. – Быел беренче ярты еллыкта ук инде 153 миллион сумлык продукция җибәрдек. Бу - яхшы динамика, ул әлеге компаниягә сату күләмен, шуның белән заводның эш белән тәэмин ителешен дә арттырырбыз, дип ышанырга мөмкинлек бирә”.