Чакыру комиссиясенең утырышы видеоконференөия режимында үтте

Бүген видеоконференция режимында Татарстан Республикасы хәрби хезмәткә чакыру комиссиясенең утырышы булды. Анда республика хәрби комиссары Сергей Погодин гражданнарны хәрби хезмәткә язгы чакыру йомгаклары белән таныштырды, чакыру кампаниясенең уңышлы үтүен әйтте.

Армиягә алынганнарның төп өлеше – югары һәм махсус урта уку йортларын тәмамлаучылар. Әлмәт уку йортлары арасында укуын тәмамлаучыларны армиягә озату буенча Әлмәт политехника техникумы алда.

Әлмәт районында егетләрне армиягә хәрби белгечләр итеп әзерләп җибәрү буенча уңышлы эшләүләре билгеләп үтелде. РФ Кораллы көчләренә безнең районнан 226 кеше җибәрелгән, шулардан 102се “С” категорияле транспорт чараларын йөртүче белгечлеге алган, 173 кеше өлкәнрәк яшьтәгеләрдән, 37 егет югары белемле.

Конференция ахырында язгы чакыруны уңышлы үткәрү өчен зур көч куйган кешеләрне бүләкләү булды, бүләкләнүчеләр арасында ТР хәрби комиссариатының Әлмәт районы бүлеге начальнигы Ришат Сабиров та бар.