Хөрмәтле кулланучылар кооперациясе хезмәткәрләре, пайчылар, тармак ветераннары!

Әлмәт муниципаль районы Советы һәм башкарма комитеты исеменнән сезне һөнәри бәйрәмегез – Халыкара кооперация көне белән котлыйбыз!

Әлмәт районында кулланучылар кооперациясе пайчылар һәм хезмәткәрләрнең берничә буыны хезмәте белән күп тармаклы хуҗалык булып әверелде. Хәзерге вакытта кулланучылар кооперациясе оешмалары сәүдә, җитештерү, хәзерләү белән шөгыльләнеп кенә калмыйлар, авыл кешеләренең тормышы өчен әһәмиятле проблемаларны хәл итүдә дәүләт хакимияте һәм җирле үзидарә органнарының нәтиҗәле эш күрсәтүче партнерларыннан берсе булып та торалар.

Кооперативларның киеренке хезмәте яңа эш урыннары барлыкка китерүгә, тауарлар һәм хезмәт күрсәтүләр базарын киңәйтүгә, халыкның тормыш дәрәҗәсен күтәрүгә булышлык итә һәм мөһим социаль миссия башкара.

Бай тарихлы кулланучылар кооперациясе, кулланучылар базарында сатып алучыларына сыйфатлы хезмәт күрсәтүнең иң заманча ысулларын кулланып, берничә буын нигез салган матур традицияләрне дәвам итсен өчен зирәк остазлар яшьләргә үзләренең бәһасыз тәҗрибәсен бирә алачагына ышанычыбыз зур.

Бүгенге бәйрәм көнендә без кулланучылар кооперациясенең барлык хезмәткәрләренә һәм ветераннарына профессионализмнары, намуслы хезмәтләре, эштә яңа, нәтиҗәле ысуллар кертүләре өчен рәхмәт әйтәбез. Кооперация хәрәкәтен үстерүгә, авылда тормыш сыйфатын яхшыртуга, тотрыклылыкка һәм чәчәк атуга юнәлдерелгән планнарны гамәлгә ашыруда яңа профессиональ уңышлар, ныклы сәламәтлек, бәхет һәм иминлек телибез! Бәйрәм белән!


Әлмәт муниципаль районы башлыгы М.Х.Салихов

Әлмәт муниципаль районы башкарма комитеты җитәкчесе М.Н.Гыйрфанов