Әлмәттә антинаркотик комиссиянең утырышы булды

Район башкарма комитетының зур залында 16 июньдә антинаркотик комиссиянең чираттагы утырышы булды, анда үткән 5 айда районда наркотик матдәләр белән хәлнең торышы каралды.

Антинаркотик комиссиянең рәисе, ӘМР башлыгы Мәҗит Хаҗипов яшерен наркотиклар базарында синтетик наркотиклар өлеше сизелерлек артуын ассызыклады. Кан тамырына җибәрелә торган героин, деморфин кебек наркотикларга алмашка тартыла торганнары килде.

Районда үткән айларда нарковазгыятьнең торышы, төнге күңел ачу урыннарында рейдлар үткәрү турында наркотиклар әйләненешенә контроль буенча районара комиссиясе башлыгы Вадим Петров таныштырды.

Балигъ булмаган яшьтәгеләр белән җәйге чорда сәламәтләндерү кампаниясе үткәрү һәм профилактика эше оештыру турында балалар һәм яшьләр эшләре идарәсе җитәкчесе Родион Карпов сөйләде.

Республика наркология диспансеры филиалының баш врачы Сирень Халиков, наркомания белән авыручылар кимесә дә, районда бу күрсәткечнең республика күрсәткечләре белән чагыштырганда 43,5%ка югарырак булуын әйтте. 14-17 һәм 50-55 яшьтәгеләр арасында наркоманнар юк. Наркомания белән беренче тапкыр авыручыларның 83%ын эшсезләр тәшкил итә. 2011-2012 елларда наркотиклар белән агуланып үлү очраклары булмаса, 2013 елда андый 7 очрак булган. Быел әле андый хәлләр юк. 2014 елга диспансерның төп бурычы – яңа наркотик матдәләрне ачыклау өчен химик-токсикологик һәм клиника-диагностика лабораториясе ачу.

”Наркотикларсыз яшәү” антинаркотик акциясенең барышы белән Әлмәт шәһәр прокурорының өлкән ярдәмчесе Игорь Нагаев таныштырды.

Киңәшмәгә йомгак ясап, Мәҗит Салихов район территориясендә наркотикларның законсыз әйләнешенә каршы көрәшне дәвам итүнең, төнге күңел ачу учреждениеләрендә наркотиклар куллану профилактикасына контрольне көчәйтүнең зарурлыгына басым ясады. Шулай ук җирле үзидарә органнары белән бергәләп наркотиклы үсемлекләр үскән урыннарны ачыклау өчен мониторинг оештырырга карар бирелде.