Әлмәт котельныйларында яңа казаннар куела

Татарстан Республикасы Министрлар Кабинетының 28.01.2014 елгы 106-р санлы күрсәтмәсе нигезендә 2014 елда Әлмәттә бюджет өлкәсе объектларын җылылык белән тәэмин итүче котельныйларда казаннарны алыштыру планлаштырыла.

Район буенча эшләрнең гомуми бәясе 5 294,068 мең сумга барып баса. Расланган исемлек нигезендә 28 объектта, шул исәптән 25 е балалар бакчалары биналарын, 21 е мәктәпләр биналарын җылытучы котельныйлар, барлыгы 46 казанны алыштырасы бар.

Бүгенгә 21 казан кайтарылып, 15 е урнаштырылган да инде. Татарстан Республикасы Төзелеш, архитектура һәм торак-коммуналь хуҗалык министрлыгының әлеге программаны туктатып тору хакындагы карары белән бәйле рәвештә 25 данә казан алынмый калган.

ТР Төзелеш, архитектура һәм торак-коммуналь хуҗалык министрлыгына 2015 ел программасына кертү өчен шулай ук Әлмәт шәһәре һәм районы буенча җәмгысе 172 данә казанны алыштырасы котельныйлар исемлеге дә җибәрелгән.