Әлмәт районында милли мәдәният көннәре старт ала

Бәйрәмнәр районда яшәүче халыкларны берләштерү, һәр халыкның мәдәни традицияләрен һәм гореф-гадәтләрен саклап калу максатында үткәрелә. 31 майда Сөләйдә татар мәдәнияте көне «Һәр авылның үз яме, яшәвендә үз тәме!», 6 июньдә Ямаш авылында рус мәдәнияте көне “Туган авылым җырлый”, 11 июньдә Васильевода мордва мәдәнияте көне «Ов точи», 28 июньдә Иске Суркинода чуаш мәдәнияте көне “Учук” була.

18нче гасырда нигез салынган Сөләйгә үзләренең бию, җыр, музыка коралларында уйнау, аш-су әзерләү осталыкларын күрсәтү өчен районның төрле авылларыннан танылган коллективлар җыела.