Әлмәттә юллар төзәтелә

Быел Әлмәт муниципаль районына юлларны төзәтү өчен төрле дәрәҗәдәге бюджетлардан һәм барлык программалардан миллиард сумнан артык акча бүленде. Акча бар, хәзер аны вакытында эшләтергә кирәк. Юл төзүчеләр көчәйтелгән режимда эшлиләр. Район башлыгы матбугат хезмәтенең видеога төшерү төркеме шулай икәненә шәһәрдәге һәм райондагы эш урыннарында күреп ышанды.

Район башкарма комитетының транспорт һәм юл хуҗалыгы бүлеге башлыгы Рамзес Хәсәншинның сүзләренә караганда, 60 миллион сумлык эш башкарылган инде. Рус Акташы – Кузайкино – Дербедень, Казан – Оренбург, Кузайкино – Нурлат, Әлмәт – Лениногорск, Рус Акташы – Кузайкино, Рус Акташы – Азнакай, Әлмәт – Мөслим юлларында түшәмәләре искергән участокларның түшәмәләрен яңарту эшләре тәмамланган.

Шәһәр урамнарында да төзәтү эшләре бара. Шушы көннәрдә юл төзүчеләр Луговая һәм Шевченко урамнарында юлларны төзәтү эшенә керештеләр.

Иң зур эш фронты федераль трассаларда. “Казан – Оренбург” федераль трассасының 4 участогын төзәтүгә быел РФ бюджетыннан 808 741 миллион сум акча бүленде. Анда да эшләр бара, хәзер юл ябылды.