Әлмәттә алкоголь продукциясен тиешсез вакытта сату факты ачыкланды

Апрель азагында сәүдә объектларын йөреп чыгу вакытында ТР Госалкоголь инспекциясенең Әлмәт территориаль органы хезмәткәрләре тарафыннан “Город пива” кибетендә сыраны тыелган вакытта сату факты ачыкланды. Оешма җитәкчеләренең һәм индивидуаль эшкуарларның исенә төшерәбез: ТР законы нигезендә исерткеч эчемлекләрне, шул исәптән сыраны да 22.00 сәгатьтән 10.00 сәгатькә кадәр сату тыела. Моның өчен юридик затларга 50 000 сумнан 100 000 сумга кадәр, вазифаи затларга 5 000 сумнан 10 000 сумга кадәр штраф каралган. Шундый хәл кабатланган очракта алкогольле продукция сату лицензиясе алынырга да мөмкин.

Исерткеч эчемлекләрне тыелган вакытта сату, шулай ук лицензиясез сату, Казахстан Республикасыннан кайткан аракы һәм коньяк сату, срогы чыккан товарлар сату очраклары турында Әлмәт территориаль органының “кайнар линия”сенә 22-21-66 телефоны аша хәбәр итүегез сорала.