Әлмәттә җиңел атлетика эстафетасы

1 майда Әлмәттә 55нче тапкыр 1 май эстафетасы үтте, аны “Татнефть” профсоюз комитеты оештырды. Эстафетада 1500 чамасы кеше катнашты.

Мәктәпләр арасында 1нче урынны 2нче лицей кызлары һәм 17 мәктәп егетләре алды. Вузлар арасында җиңүчеләр – Әлмәт нефть институты кызлары һәм егетләре. Урта махсус уку йортлары арасында политехник техникумның кызларына да, егетләренә дә тиңнәр булмады.

Предприятиелә арасында “Татнефтегазпереработка” идарәсе командасы җиңеп чыкты, икенче урында “Елховнефть”, өченче урында “Әлмәтнефть” идарәсе командалыры.

Ярышларның төп өлешеннән соң сәламәт яшәү рәвешен популярлаштыру һәм пропагандалау максатында массакүләм йөгереш оештырылды. Анда гомуми белем мәктәпләрендә һәм спорт мәктәпләрендә укучылар катнашты. Бу беренче тапкыр иде, стартка 2 йөзләп кызлар һәм малайлар басты.