Әлмәт шәһәре – чүпсез шәһәр

Әлмәтнең дә, башка шәһәрләр кебек, чүптән азат булырга тулы хакы бар. Урамнарны һәм ишек алларын, предприятиеләр, офислар, кибетләр һәм башка объектлар территориясен, аларның тирә-якларын чисталыкта һәм тәртиптә тоту - шәһәрдә яшәүче, эшләүче һәр кешенең бурычы. Сәламәтлек саклау өлкәсендә эшләүчеләрнең һәммәсе шул фикердә.

Санитария тәртибе урнаштыру, җыештыру һәм төзекләндерү икеайлыгында максат бер – дәвалау-профилактика учреждениеләренең һәркайсын эчтән дә, тыштан да чип-чиста итү. Апрель башыннан башлап агачларны бордюрларны аклау, чүп-чарны төяп озату башланды. Транспорт белән Әлмәт шәһәре автомобиль юллары идарәсе тәэмин итә.

Безнең кәефебез, күңел күтәренкелегебез, үз-үзебезне ничек хис итүебез сулаган һаваның, әйләнә-тирәнең чисталыгына бәйле. Шуңа күрә дә һәркемнең сәламәтлегендә чисталыкның роле ифрат зур.