Әлмәттә “Мин профессия сайлыйм...” дигән балалар иҗаты күргәзмәсе үтә

Әлмәт шәһәре мәшгульлек үзәге һәм Әлмәт Хатын-кызлар берлеге “Мин профессия сайлыйм...” дигән балалар иҗаты күргәзмәсе оештырды. Ул мәшгульлек үзәгенең 2014 елга профориентация планы нигезендә мәктәпкәчә яшьтәге балаларга һәм башлангыч сыйныф укучыларына төрле профессияләр турында мәгълүмат бирү максатында оештырылды. Күргәзмә олырак яшьтәге балаларны да кызыксындырды. Мәсәлән, Иске Михайловка мәктәбенең өлкән сыйныф укучылары профессионалларның гына кулыннан килерлек кораллар, савыт-саба һ.б. ясап китергәннәр иде.

Күргәзмәдә балалар тематик рәсемнәр, төрле һөнәр ияләрен сурәтләгән курчаклар, тозлы камырдан, пластилиннан, төрле калдыклардан ясалган әйберләр белән дә катнаштылар. Бигрәк тә “медицина почмагы” зур кызыксыну уятты. Җәмәгать туклануы һәм сәүдә хезмәткәре, янгын сүндерүче, авыл хезмәтләре темасына рәсемнәр, кулдан ясалган эшләнмәләр, курчаклар күп иде.

Укытучы, тәрбияче, хәрби хезмәткәр, цирк, эстрада һәм кино артисты, фотограф, корабль капитаны кебек профессияләр, төзүче, нефть чыгару опреаторы, автомобиль йөртүче кебек профессияләр дә читтә калмаган иде.
Балалар иҗаты күргәзмәсе 1 июньгә кадәр ачык булачак. Балаларны һәм педагогларны күргәзмә белән танышу өчен Әлмәт Мәшгульлек үзәгенә чакырабыз: Герцен урамы, 8а йорт, 3нче каттагы фойе. Телефон 32-34-99. Рәхим итегез!