24 апрельдә “Георгий тасмасы” юбилей акциясе башлана

Татарстан башкаласы ел саен Россия күләмендә уздырыла торган “Георгий тасмасы” акциясенә кушылачак. Бу елда милли традициягә әйләнгән патриотик акциягә 10 ел була.

24 апрельдән алып 9 майга кадәр узачак акция барышында йөзләгән яшьләр-волонтерлар шәһәр урамнарына чыгачак, Ватан тарихына ихтирам билгесе буларак, кешеләргә тасмалар таратачаклар.

Беренче “Георгий тасмасы” акциясе 2005 елда үтте. Шуннан бирле безнең илебездә ул ел саен уздырылып килә. Россия буенча, шулай ук якын һәм чит илләрдә миллионлаган кешеләр үзләренең киемнәренә һәм шәхси транспортларына хәтер һәм хәрби дан символын беркетәләр, дип хәбәр ителә акция сайтында. Бүгенге көннән әлеге акциягә Әлмәт муниципаль районы Советы һәм Башкарма комитеты хезмәткәрләре дә кушылды.

http://intertat.ru