Әлмәт муниципаль районы Советы һәм башкарма комитеты хезмәткәрләре шәһәрне чистартуда

Бүген ӘМР Советы һәм башкарма комитеты хезмәткәрләре республикада бара торган экологик икеайлык кысаларында үзләренә беркетелгән участокларда генераль җыештыру үткәрергә чыктылар. Алар сугышчан Дан мәйданының яшел зонасы территориясен тәртипкә китерделәр. Муниципалитет хезмәткәрләре ӘМР Экология һәм табигатьтән файдалану департаменты биргән “Чистый Альметьевск” дип язылган якты төсле жилетлары белән шунда ук әйләнә-тирәдәгеләрнең игътибарын җәлеп иттеләр. Үз үрнәкләре белән алар барлык әлмәтлеләрне шәһәрдә чисталык урнаштыруда катнашырга чакырдылар.