"Алтын каләм-Золотое перо" фестивале дусларын җыя

Хөрмәтле укучыларыбыз, яшь каләмчеләр!

Сезгә зур шатлык белән "Алтын каләм-Золотое перо"- 2014 балалар һәм яшьләр матбугатының XIX республика фестивале башлануын хәбәр итәбез. Рәсми рәвештә фестивальнең төп оештыручылары булып Татарстан Республикасы Яшьләр һәм спорт эшләре, Мәгариф һәм фән министрлыклары, журналистлар Союзы, Казан федераль университеты, Массакүләм коммуникацияләр республика агентлыгы билгеләнгән. Чара өч турда: 14 апрельгә кадәр муниципалитетларда уза, 20 майдан 10 июньгә кадәр республика бәйгесенә баручыларны сайлап алу, 17-21 июнь көннәрендә "Идел" яшьләр үзәгендә республика финал этабы үтәчәк. Ел дәвамында яшь талантларны эзләп табу, аларны үстерү белән шөгыльләнүебезне яхшы белгән оештыру комитеты бәйгене район һәм шәһәр күләмендә үткәрүне тулаем "Альметьевский вестник" газетасына йөкләде.

Балалар һәм яшьләр матбугаты фестивале "Яшьләр һәм дәүләт" дигән лозунг кысаларында узачак.

Фестивальдә катнашу тәртибе түбәндәгечә:

Коллективларда, район һәм шәһәр мәктәпләре, яшьләр арасында узган иҗади бәйге эшләре "Альметьевский вестник" редакциясе оештырган жюри әгъзалары тарафыннан сайлап алынып, Казанга җибәрелә. Бәйгедә мәктәпләрдә һәм өстәмә белем бирү учреждениеләрендә укучы 10 -17 яшьлек балалар катнаша ала.

Фестивальнең махсус темалары:

"Яшьләр толерантлык яклы һәм экстремизмга каршы". Татарстан Республикасында милләтара һәм конфессияара мөнөсәбәтләр булдыруда яшьләрнең ролен ассызыклаган журналист эше.

"XXI гасырда патриотизм: традиция яки яңалык";
"Волонтер - үз тирәсендәге дөньяны яхшыга үзгәртүче";
"Дәүләт хезмәткәре - һөнәр яки сәләтме?";
"Интернет - яшьләрнең аралашу мохиты";
"Спорт, син бөтен дөнья!
"Алтын каләм-Золотое перо" XX Республика фестивален мин ничек күз алдына китерәм" - 2015 елда узачак юбилей фестиваленә багышлана.
Җурналист эшләре берничә төрле номинациядә бәяләнәчәк.
"Золоте перо" - Гран-при( рус журналистикасы);
"Алтын каләм "- Гран-при (татар журналистикасы);
"Фестиваль ачышы";
"Татар телендә иң яхшы басма";
"Рус телендә иң яхшы басма";
"Иң яхшы радиопрограмма" (рус һәм татар телләрендә);
"Иң яхшы радиотапшыру алып баручы";
"Иң яхшы телепрограмма";
"Иң яхшы телевизион программа алып баручы";
"Иң яхшы фоторепортер";
"Иң яхшы оператор";
"Иң яхшы PR проект".

Фестивальнең иң олы бүләге Гран-при Казан федераль университетының журналистика һәм социология факультетына льготалы керү мөмкинлеген бирә.

Бәйгегә җибәрелгән эшләр (вакытлы матбугатта басылган һәм редакция печате белән расланган булырга тиеш) анкета белән берлектә оештыру комитетына тапшырыла.
"Алтын каләм-Золотое перо" республика фестивалендә катнашырга теләүчеләр иҗади эшләрен Ленин урамы, 41а (район башкарма комитеты бинасы ишек алдындагы икенче бина) адресы буенча урнашкан "Альметьевский вестник" газетасы редакциясенә юллый яки китерә алалар.

Бәйгедә катнашып, җиңүче булу мөмкинлеген кулыгыздан ычкындырмагыз, хөрмәтле дуслар!

"Алтын каләм-Золотое перо" сезгә яңа горизонтлар ача.

Фестивальгә кагылышлы барлык сораулар белән дә "Альметьевский вестник" редакциясенә 8-(8553) 45-31-75 телефоны аша мөрәҗәгать итә аласыз.

"Альметьевский вестник" редакциясе