Яссытабанлылар армиягә барачак

Армиягә алынучы егетләрнең сәламәтлекләренә карата таләпләр беркадәр үзгәрә. Моңа кадәр икенче дәрәҗә яссытабанлылык диагнозы куелган егетләр солдатка алынмый иде. Язгы чакырылыштан әлеге төр диагноз куелучыларга да "яшел урам" ачыла, ягъни берникадәр чикләүләр белән алар да солдатка алыначак. Дөрес, алар элиталы гаскәрләрдә хезмәт үтә алмаячак. Ә менә өченче дәрәҗә диагноз куелган икән, андыйлар хәрби билет алырга өметләнә ала. Язгы чакырылыш кампаниясендә Татарстаннан 4 меңгә якын егет алыначак. Аларның беренчеләре 14 майда озатыла.

8 апрель көнне ТР хәрби комиссары генерал-майор Сергей Погодин катнашында Татарстан Хөкүмәте йортында республика муниципаль берәмлекләре белән видеоэлемтә рәвешендә уздырылган брифингта сүз шул хакта барды. Язгы чакырылыш вакытында Россиядә барлыгы 154 мең егет биленә каеш буачак. Татарстанда андыйлар 4 мең чамасы булыр, дип көтелә. Башка еллардагы кебек үк бу юлы да безнекеләрнең күбесе Коры җир гаскәрләрендә, Үзәк хәрби округта хезмәт итәчәк. Џәрвакыттагыча Татарстаннан армиягә белеме џәм џөнәре булган егетләрне юлларга тырышачаклар. Язгы чакырылыш барышында солдатка югары џәм урта џөнәри белем алып чыккан 2,8 меңнән артык кешене җибәрергә җыеналар. Ә инде 1,3 мең кешенең хәрби-учет белгечлеге булачак. Хәрби-хисап белгечлеге буенча укыган егетләр исә, үзенең хезмәт итү урынын сайлап алу мөмкинлегенә ия булуы белән өстенлекле, чакырылыш комиссиясе моны күз уңында тота, дип белдерде С.Погодин. Төп игътибар урта џәм югары џөнәри белемгә ия булганнарга биреләчәк. Россия киңлекләрендә берьеллык хәрби хезмәткә алу 1 апрельдән 15 июльгә кадәр дәвам итәчәк.

Болардан тыш, хәрби солдатка электрон карта ачу планлаштырыла. Бу үзенә күрә бертөрле мәгълүмат чыганагы булачак. Әлеге картада ир-егет турында мәгълүмат, аның фотосы, медицина белешмәләре џәм хәрби хезмәт узу урыны күрсәтеләчәк. Бу яңалык солдатлар саны џәм бу өлкәдәге башка статистиканы ачыкларга ярдәм итәчәк. Быелдан армиягә киткәндә, шәхси гигиена әйберләре дә өләшә башлаячаклар. Шунысын да искә алып үтик, Татарстан егетләренә махсус тарифка тоташтырылган кәрәзле телефон џәм махсус кирәк-ярак комплекты, банк картасы да бирелә иде.

Быелгы чакырылышның чираттагы үзенчәлеге хәрби бурычын үтәргә теләмәүчеләргә кагыла. Законлы сәбәпләре булмаса, армиядә булмаган егетләрне моннан ары дәүләт џәм муниципаль хезмәткә эшкә алмаячаклар. Солдаттан качып йөрүчеләргә исә, 27 яшь тулгач, хәрби билет түгел, ә белешмә генә бирәчәкләр. Күптән түгел Россия оборона министры Сергей Шойгу аларның исемлеген матбугатта чыгару турында тәкъдим ясаган иде. Әлеге уңайдан С.Погодинның фикере катгый: "Мин, гомумән, качып йөрүчеләр мәсьәләсенә бу кадәр игътибар бирүнең сәбәбен аңламыйм. Кайчак аларны хәтта партизаннар кебек кабул итәләр. Ә бит чынлыкта алар - закон бозучылар. Шунысын да искәртик, качып йөрүчеләргә карата җитди чаралар күрелә. Узган ел меңнән артык егеткә штраф салынган, 12се җинаять җаваплылыгына тартылган.

Журналистларның "Армиягә баручыларга, солдаттан кайткач, нинди ташламалар каралган?" - дигән соравы комиссар күңеленә хуш килмәсә дә, җаваплардан күренгәнчә, республикадагы вуз ректорлары белән армиядән кайткан егетләргә укырга кергәндә ярдәм итү мәсьәләсендә сөйләшүләр бара. Агымдагы елның сентябреннән кайбер югары уку йортларында офицер, сержант џәм солдатлар әзерләү программасы башлана. Сержант џәм солдатларны бездә ике вузда әзерләячәкләр. Алга таба бу исемлек тагын да артырга мөмкин.

Булачак солдатларның сәламәтлегенә кагылышлы тагын берничә яңалык бар. Узган елның июлендә гамәлгә кергән кагыйдәләр нигезендә, армиягә бармый калырга мөмкинлек биргән авырулар исемлеге кимегән. Ашказаны, невроз, гипертония авыруларыннан интегүчеләрне, элегрәк хәрби хезмәткә чикле рәвештә генә яраклы дип табылган егетләрне дә яңадан тикшерергә мөмкиннәр. ВИЧ-инфекция, В џәм С гепатитларына тикшерүне џәркем узарга тиеш булачак.

Сергей Погодин сүзләренә караганда, республикадагы егетләрнең хәрби хезмәткә яраклылык дәрәҗәсе алай начар түгел, 73 процент. Ә менә Мөслим, Чирмешән џәм Чүпрәледә 100 егетнең 83е армиягә барырга яраклы дип табыла.

Фәрдия Хәсәнова