“Халык инвентаризациясе” акциясе дәвам итә

ТР президенты аппараты җитәкчесе Әсгать Сафаровның республика муниципаль төзелмәләрендә файдаланылмыйча буш яткан, тиешенчә файдаланылмый торган күчемсез объектларны (җир участокларын, биналарны һәм корылмаларны) ачыклау буенча чаралар үткәрү турында порученисен үтәү йөзеннән Әлмәт шәһәрендә 1 февральдән 25 апрельгә кадәр җәмәгатьчелек ярдәмендә “Халык инвентаризациясе” акциясе үткәрелә. Аның максаты – файдаланылмый торган (шул исәптән хуҗасыз) җир участокларын, биналар һәм корылмаларны хуҗалык әйләнешенә кертү, салым базасын киңәйтү, бюджетка салымнан тыш керемнәр күләмен арттыру.

Объектлар турында мәгълүматларны pzio@mail.ru электрон почтасы аша яки 43-86-83, 43-86-88 телефоннарына (Җир һәм милек мөнәсәбәтләре палатасы) шылтыратып хәбәр итәргә яки район башлыгының интернет-кабул итү бүлмәсенә җиткерергә мөмкин.