29нчы “Лукоморье” балалар бакчасында “Әдәби кунакханә”

29нчы “Лукоморье” балалар бакчасында кызыклы кешеләр белән очрашу кичәләре үткәрү әйбәт традициягә әверелде.

Бакча педагоглары “Әдәби кунакханә” оештырып, балалар белән очрашуга шагыйрә Сәрия Бикмөхәммәтованы чакырдылар. Балалар аның иҗаты белән таныштылар, татар телендә шигырьләр укыдылар, театрлы тамаша әзерләп, кызыклы кеше – Сәрия апалары белән рәхәтләнеп аралаштылар.

Мондый очрашулар балаларны туган як табигатенең матурлыгын сакларга, чын талантны хөрмәт итә һәм кадерли белергә өйрәтә.