Троллейбус маршрутларында электрон билет

1 апрельдән Әлмәт транспорт идарәсе тарафыннан троллейбус маршрутларында электрон билет гамәлгә кертелә. “Оптима” һәм “Лидер” дигән ике төрле тариф планы кертергә тәкъдим ителә. Электрон картаның бәясе 50 сум.

Карта хуҗасы картасында күпме акча калганын кондуктордан (йөртүчедән) белешә ала.

Транспорт картасыннан файдаланучылар сорауларына җавап алу өчен халык белән эшләү пунктына мөрәҗәгать итә алалар. Адресы: Герцен урамы, 1, офис 6, тел. (8553)30-08-64, кайнар элемтә телефоны 8 800 2005 303, шулай ук «Социальная карта» ААҖ сайтыннан (www.social-card.ru) һәм МУП «АТУ» сайтыннан (www.mup-atu.ru) җавап табарга була.