“Алнас”ның дүрт эшчесе үз профессияләрендә иң яхшы дип танылды

“Алнас” заводы эшчеләре яшьләр арасында һөнәри осталык конкурсында иң күп призлы урыннар яуладылар. Биш номинациядә заводның 9 эшчесе конкурста катнашкан иде, шуларның дүртесе җиңүчеләр дип танылды. 21 яшьлек Илһам Кәримов “Иң яхшы токарь”, Владимир Мурзакаев “Иң яхшы фрезерчы”, Руслан Залятов “Иң яхшы электромонтер”, Руслан Шәмсетдинов “Иң яхшы слесарь-инструментальщик” исеме алдылар.

“Шәһәр конкурсында җиңү – безнең эшчеләрнең профессиональлеге дәлиле генә түгел, көз көне булачак республика конкурсында катнашу һәм осталыкларын күрсәтү мөмкинлеге дә, - ди “Алнас”ның башкаручы директоры Сергей Саченко. – Безнекеләр анда да сынатамаслар дип ышанам”.