“Атна йомгаклары” программасында мәгариф оешмаларында коррупция турында сүз барды

“Луч” телекомпаниясенең “Атна йомгаклары” программасында кунакта ӘМР мәгариф идарәсе башлыгы урынбасары Гүзәл Әмирова булды.

Фикер алышуга берничә мәсьәлә куелган иде: 2013 ел йомгаклары, агымдагы бурычлар һәм аларны хәл итү юллары, мәгариф оешмаларында коррупциягә каршы тору чаралары.

Гүзәл Әмирова фикеренчә, коррупциягә каршы сәясәтнең төп мәсьәләләреннән берсе – антикоррупцион мәгариф һәм пропаганда. Мәктәпләрдә һәм балалар бакчаларында хокук тәрбиясе буенча әдәбият файдаланыла. Һәр мәктәптә антикоррупцион тематикага норматив-хокукый документлар өйрәнелә, стендлар ясалган, тематик семинарлар үткәрелә.

Коррупциягә каршы юнәлештә конкурслар үткәрелә. Бөтен эш эчке эшләр бүлекчәсе, прокуратура белән тыгыз бәйләнештә алып барыла.