Әлмәттә “Татнефть” ААҖ кубогына үсмерләр командалары арасында хоккей ярышларын тантаналы ябу булды

21 мартта “Юбилейный” спорт сараенда финал уеннары тәмамланды һәм үсмерләр командалары арасында иң популяр, абруйлы хоккей ярышларын – “Татнефть” ААҖ кубогына республиканың көньяк-көнчыгышындагы үсмерләр командалары арасында традицион турнирны тантаналы ябу булды. Беренче турнир 2002 елда старт алган иде, бу сезонда ул 13нче тапкыр үтте.

Бу сезонда 15 торак пункттан 56 команда,1000нән артык яшь хоккейчы катнашты. Мондый киң колачлы уеннар үткәрү “Татнефть” ярдәме белән мөмкин булды. Компания исәбенә нефть төбәгендә 90нан артык ишекалды хоккей тартмасы куелды, 16 боз сарае төзелде. Ел саен уенчыларга формалар сатып алына, тренерлар тотыла.

Командалар территориаль принцип белән 6 дивизионга һәм 2 конференциягә бүленеп ярыштылар.

16 мартта башланган финал уеннарында иң яхшы 6 команда катнашты. Кискен көрәш нәтиҗәсендә беренче урынны Түбән Камадан “Сокол” командасы алды. Икенче һәм өченче урыннарда Баулыдан “Нефтяник” һәм Лениногорскидан “Сокол” командалары.

Җиңүчеләргә дипломнар һәм истәлекле бүләкләр бирелде, аларны легендар нефтьче, бораулау мастеры булып эшләгән Социалистик Хезмәт Герое Дамир Нуретдинов тапшырды.

Ябу тантанасында “Татнефть» компаниясенең чираттагы хәйрия акциясе булды: Татарстанның 22 муниципаль районына 50 команда өчен хоккей формалары комлектлары алу өчен барлыгы 15 миллион сумлык сертификат тапшырылды.