“Татнефть” Татарстанның нефть төбәген кайгырта

“Татнефть” ААҖ генераль директоры Наил Маганов быел республиканың нефть төбәге шәһәрләрендә социаль инфраструктура объектлары төзү, капиталь ремонтлау һәм реконструкцияләү өчен акча бүлү турында карар кабул итте.
Башка еллардагы кебек быел да төзекләндерү эшләренең иң зур өлеше Әлмәт районына туры килә.

2014 елда “Татнефть” средстволары исәбенә эшләнәчәк эшләр арасында “Парковый” микрорайонының планировка проектын эшләү, Үзәк сырхауханәнең стационар бүлегенә капиталь ремонт ясау, спорт коллиятендә гимнастика залын ремонтлау, Шарлавыклы буаларда ике балалар шәһәрчеге кору, өстәп җәяүлеләр өчен ике юл салу, драмтеатрның фасадын ремонтлау, биш балалар бакчасына капиталь ремонт ясау, Түбән Мактамада спорт комплексы төзү, Совет урамында тротуарлар салу һ.б. эшләр бар.

Нефтьчеләр районның агросәнәгать комплексына да зур ярдәм күрсәтәчәкләр.