Татарстанда 343,2 мең кв. м. торак сафка кертелгән, яки еллык биремнең 14,3%

Татарстан Республикасында 2014 елның 14 февраленә 343,2мең кв. м.торак сафка кертелгән, бу еллык биремнең 14,3%ын тәшкил итә, шул исәптән ике атнада 123,1 мең кв.м. торак сафка кертелгән. Бу хакта видеоконференция режимында узган республика киңәшмәсендә ТР төзелеш, архитектура һәм ТКХ министры Ирек Фәйзуллин белдерде. Киңәшмәне Хөкүмәт Йортында Татарстан Президенты Рөстәм Миңнеханов уздырды, киңәшмә эшендә шулай ук ТР Премьер-министры вазыйфасын башкаручы Алексей Песошин да катнашты.

Башкарылган эш турында нотык белән ТР Министрлар Кабинеты аппаратының Төзелеш, транспорт, торак-коммуналь һәм юл хуҗалыгы идарәсе башлыгы Илдар Сибгәтуллин чыгыш ясады. Ул, аерым алганда, 2014 нче елда план буенча ТР Президенты каршындагы Дәүләт торак фондына җыелачак акчаларның күләме 6,522 млрд. сум тәшкил итә, ТР Дәүләт торак фондына 6,171 млрд.сум түләү буенча бурыч алынган (планның 94,6 проценты). Социаль ипотека программасы кысаларында объектларны төзү буенча гыйнвар-февраль бурычлары үтәлә.

Барысы 14 нче февральгә социаль ипотека программасы буенча 697 фатирлы 41,2 мең кв.метрлы 12 йорт сафка бастырылган. Программаның төзелә торган 116 объектыннан 53е – югары әзерлек дәрәҗәсендә, 34е – урта әзерлек дәрәҗәсендә, 29 объекты – түбән әзерлек дәрәҗәсендә.

Илдар Сибгәтуллин хәбәр иткәнчә, 2014 елда 19 муниципаль берәмлектә участковыйлар өчен 40 хезмәт йорты төзелә. Бүгенге көнгә 12 объектта эшләр оештырылган, 28ендә эшчәнлекне арттырырга кирәк.

2014 елда республикада 47 авыл клубы төзеләчәк. Киңәшмә барышында хәбәр ителгәнчә, Яр Чаллы, инженерия инфраструктурасына акча җитмәү сәбәпле, авыл клубларын төзү программасыннан чыгарга мөмкин. ТР Президенты Чаллы администрациясенә авыл клубларына карата позициясен үзгәртергә тәкъдим итте, чөнки бу объект бик әһәмиятле.

Төп доклад белән ТР төзелеш, архитектура һәм ТКХ министры Ирек Фәйзуллин чыгыш ясады. Аерым алганда, ул хәбәр иткәнчә, Дәүләт хезмәт инспекциясе мәгълүматларына караганда, 2013 елда республиканың төзелеш тармагында 69 һәлакәт булган, 34 очракта кеше үлеменә, 35 очрак авыр нәтиҗәләргә китергән. Һәлакәтләр түбәндәге сәбәпләр нәтиҗәсендә булган: биеклектән егылу – 30 очрак (44%), предметларның җимерелүе – 12 (17 %), хәрәкәт итүче, очучы предметларның тәэсирендә – 12 (17 %). 2014 ел башыннан ТР Дәүләт төзелеш күзәтчелеге инспекциясе тарафыннан 109 тикшерү уздырылган. Кагыйдәләрне һәм хезмәтне саклау нормаларын бозган өчен 600 мең сумлык 26 карар чыгарылган. Бүгенгә республикада 40 мең сум штраф түләтелгән.

2014 елда аренда торагы төзелеше программасы кысаларында ТР Дәүләт торак фонды 68 мең 44 кв.метр мәйданлы 19 торак йорт төзи. Бу 16 йорт – Югары Ослан районында “Иннополис” хезмәткәрләре өчен, Чаллыдан ИТ-парк хезмәткәрләре өчен 119 фатирлы торак йорт, “Алабуга” МИЗ белгечләре өчен 156 фатирлы йорт.

2014 елда Татарстанда 309 ятим баланы торак белән тәэмин итәргә планлаштырыла. Бу максатларга 317 млн. 136 мең сум каралган, шул исәптән ТР бюджетыннан - 233 млн. 730 мең сум, федераль бюджеттан - 83,4 млн. сум.

Ирек Фәйзуллин билгеләп үткәнчә, Татарстанда Бөек Ватан сугышы ветераннарын торак белән тәэмин итү программасы кысаларында 17520 ветеран фатир алган (исемлектә 18383 кеше булган). Бүгенгә 516 ветеран калган. Хәзер 216 ветеранга 37 торак йорт төзелеше бара.

5 һәм аннан күбрәк балалы гаиләләрне торак белән тәэмин итүгә килгәндә, 2013 елның 20 декабрендә төзелгән һәм расланган 2014 ел исемлегенә 824 гаилә кертелгән. Шул исәптән фатир алучылар исемлегенә 43 гаилә кергән, аларның 4се, 10 һәм аннан күбрәк балалы булу сәбәпле, чираттан тыш торак белән тәэмин ителергә тиеш.

2014 елга ТРда мәктәпкәчә мәгариф учреждениеләрен төзү программасы 52 объектны үз эченә ала. 2014 нче елның 14 нче февраленә түбәндәге эшләр алып барыла: 22 объект төзелә, 11 объектта капиталь ремонт алып барыла (реконструкция), 19 объектта капиталь ремонт ясала (өстәмә төркемнәр ачылышы).

Киңәшмә барышында ТР Дәүләт торак фонды башкарма директоры Тәлгать Абдуллин чыгыш ясады.

Татарстан авыл хуҗалыгы фәнни-тикшеренү институты эшчәнлеге һәм республикада сөрүлек җирләреннән уңышны арттырырга мөмкинлек бирә торган фәнни тикшеренүләр турында Марсель Таһиров сөйләде.

ТР Матбугат хезмәте, Елена Бритвина