”Район башлыгына сорау бир” рубрикасына сорауга җавап

Барлык сорау-җавапларны да без яңалыклар тасмасында биреп барабыз. Вакыйгаларны күзәтеп торыгыз. Әгәр дә берәр сәбәп белән гражданнарның ӘМР интернет-порталы аша “Район башлыгына сорау бир” рубрикасына мөрәҗәгатенә җавап яңалыкларда табылмаса, аны “Сорауларга җаваплар” бүлегендә һәрвакыт табарга була. Текстларда сорау авторының һәм җавапның стилистикасы саклана.

Сорау: Хәерле кич. Мин Әлмәт шәһәрендә Тельман урамындагы 28а йортта яшим. Безең 2нче подъездда котычкыч хәл. Килсәгез, шундый хәл күрер идегез. Бездә үткән җәйне капиталь ремонт ясадылар, пластик тәрәзәлзр куйдылар (анысы өчен һәммәбездән зур рәхмәт), әмма Сез подъезд эченә кереп тә тормас идегез. Чөнки анда стеналар пычрак, әллә нинди рәсемнәр ясалып беткән, почта тартмалары барысы да ватык, ябылмый (кирәкле хәбәрләр, квитанцияләр югалмасын дип почта ташучының килгәнен шунда көтеп торырга да туры килә). Подъездның җыештырылмавын инде әйтеп тә тормыйм (гәрчә моның өчен түләүдән беркем дә баш тартмый), кайбер намуссыз күршеләр чүпләрен баскыч мәйданчыгына ук чыгарып өя башладылар, хәтта йөрергә кыенлаша башлады. Мин кемне дә булса кунакка чакырырга ояла башладым. Чөнки чүплектә яшәмә, квартирыңны сат, диләр. Бик оят, әлбәттә, ләкин сата алмыйм, ипотека бар, бала бар. Ниһаять, ничек тә почта тартмаларыбызны алыштырырлар, стеналарны буярлар, җыештыручы ялларлар, аның өчен түләүне квартир хакы квитанциясенә кертерләр дип бик өметләнәм. Алдан ук рәхмәт әйтәм.

Җавап: “Альянс-плюс” ҖЧҖ идарәче компаниясенең гарантияле хатында әйтелгәнчә, Тельман урамындагы 28а йортның подъездларына агымдагы ремонт 2014 елның беренче яртысында ясалачак.
Икенче подъездда яшәүчеләрнең үз мөрәҗәгате нигезендә подъезд җыештырылмый, түләү дә алынмый.
Почта тартмалары гомуми милек исәбенә кертелмәгән, аларны карап тоту һәм алмаштыру – яшәүчеләрнең үз эше.